7 Plants That Helps Purify Air Inside Your Home 2023

Malaki na ang pinagbago ng ating mundo. Sa kabila ng magandang epekto ng pagbabago ng mundo sa ating buhay, hindi natin maipagkakaila na may hindi magandang epekto para sa ating kalikasan.

Mas lalong lumala ang pagtapon ng mga basura. Dagdag pa rito ang iresponsableng pagputol natin ng mga puno sa ating tahanan. Sa pag-unlad ng ating transportasyon, naging talamak na rin ang usok na ibinubuga ng mga sasakyan dahilan upang hindi na maging malusog ang ating nilalanghap na hangin.

Read also: Madiskarteng Pinay, Kumikita Sa Pagpila Sa Mga Resto Para Sa Mga Ayaw Maghintay Ng Matagal

Ito ang pinagmumulan ng ibaít-ibang sakit sa ating katawan. Pero, alam mo bang may mga halamang puwedeng mong ilagay sa loob ng iyong tahanan upang mapanatili nito ang kalinisan ng hanging nilalanghap niyo sa loob ng inyong tahanan?

1. Boston Fern

Ayon sa isang pag-aaral ng American Society of Horticultural Science noong 2010, ang mga ganitong klase raw ng halaman ay may kakayahang tanggalin ang hindi kanais-nais na kemikal na humahalo sa mga hanging ating nilalanghap katulad ng formaldehyde. Ngunit ang mga ganitong uri ng mga halaman ay kinakailangan ng masusing pag-aalaga. Kinakailangan mo itong diligan araw-araw.

2. Palm Trees

Ilagay ang halamang ito kung saan maaari itong malamigan. Isa rin ito sa mga halamang nagbibigay ng maayos na hangin sa ating paligid.

3. Rubber Plants at Janet Craigs

Maliban sa kanilang hanging dinadala, hindi kinakailangan ng halamang ito ang malaking bahagi ng sikat ng araw. Maganda rin ito bilang disenyo sa inyong kuwarto o sa opisina.

4. English Ivy

Maaari mong patubuin ang halamang ito sa iyong dingding upang magbigay ng disenyo at magandang hangin na rin para sa iyo. Hindi rin ito maaarte pagdating sa pagkonsumo ng sikat ng araw. Diligan mo lamang ito tuwing tag-lamig.

5. Peace Lily

Nakapagbibigay ito ng kaunting halumigmig sa isang kuwarto maliban sa maganda nitong anyo. Ngunit paalalahanan mo ang iyong mga anak at mga alagang hayop na maaaring nakakalason ang mga dahon nito.

6. Golden Pothos

Kaya ng halamang ito ang uminda ng matinding kapabayaan kung kayaít kung unang beses mo pa lamang magtanim ng halaman, hinding hindi ka madidismaya sa halamang ito.

7. Floristsí Mum and Gerbera Daisies

Sa likod ng kaniyang magandang anyo ay isang halamang nangangailangan ng matindi at maayos na pangangalaga. Dito, hindi ka puwedeng sumobra o kumulang sa pagdilig. Nakita rin sa ibang pag-aaral na nakakatanggal umano ito ng formaldehyde sa hangn.

Ito lamang ang ilan sa mga halamang maaari nating alagaan sa loob ng ating mga bahay o opisina upang kahit papaano naman ay makalanghap tayo ng sariwang hangin. Libre lamang ang kanilang ibinibigay na hangin kaya huwag natin itong pabayaan.