Tapat na inamin kamakailan lamang ng young star at singer na si Lyca Gairanod na naibenta na niya ang bahay na kaniyang napanalunan noon sa The Voice Kids PH.
Matatandaan na naiuwi ni Lyca ang title bilang grand winner sa The Voice Kids at siya din ang itinanghal na kauna-unahang grand winner ng naturang singing competition.
Dahil sa kaniyang pagkapanalo, nabigyan niya ang kaniyang pamilya ng magandang buhay at uri ng buhay na noon lamang ay pinapangarap niya na makamit.
Maaalala na ang singing child star na ito ay nagmula sa mahirap na buhay at ito ay nabiyayaan ng angking talento pagdating sa pagkanta.
Naging maganda din ang takbo ng karera ni Lyca sa showbiz simula noong siya ay manalo sa singing competition. Maliban pa diyan, siya ay nagkaroon din ng maraming subscribers sa sarili niyang YouTube channel.
At nito nga lamang ay naibahagi niya sa vlog kung saan kasama niya si Karen Davila na naibenta na nga niya ang house and lot na kaniyang napanalunan sa sinalihang competition.
Ayon kay Lyca, hindi madaling desisyon ang ginawa niya na ito ngunit ito ay para sa kaniyang pinakamamahal na lola na mas nais na manirahan sa kanilang dating bahay na malapit sa tabing dagat.
Gayunpaman, sa kabila ng mga pagsubok na pinagdadaanan ngayon dahil sa pand3miya ay nilinaw naman ng dalaga na maayos pa din ang pamumuhay nila ng kaniyang pamilya.
Saad ni Lyca, napagdesisyunan nila na ibenta ang bahay na matatagpuan sa isang subdivision upang ang kaniyang lola ay may makasama sa tinitirhan nito. Ayaw daw kasi nitong iwan ang tinitirhan nila noon.
Pagbabahagi pa ni Lyca na binili na lamang nila ang dating bahay na kanilang inuupahan upang hindi na mawalay pa sa kanila ang kaniyang lola at ng sa gayon ay makasama din nila ito, lalo na at may edad na din ito.
.jpg)
.jpg)
.jpg)
