Kilalanin ang Kinalimutang Presidente ng Pilipinas

Isa sa pinakamalaking kontrobersya sa kasaysayan ng Pilipinas and  hanggang ngayon ay wala pang kasagutan. Ito ay tungkol sa di umanoy  kinalimutang presidente ng Pilipinas, batid kong maging ikaw ay curious sa  usapin na ito, kaya naman yan ang ating pag-uusapan ngayon. 

Maraming netizens at historians ang nagsasabi na karapat-dapat kilalanin  bilang isa sa mga presidente ng Pilipinas ang dating Heneral na si Miguel  Malvar. 

Si Miguel Malvar ay isang Pilipinong Heneral na naglingkod noong  himagsikan ng Pilipinas at noong kasagsagan ng digmaang Pilipino-Amerikano,  siya ay tubong Batangas at ipinanganak noong September 27, 1865, bukod  sa siya ay galing sa mayaman at tanyag na pamilya, kilala rin siya sa  kanyang kasipagan at angking kabutihang loob. 

Siya ay nakapag-aral sa  isang sikat na institusyon sa Batangas, kalaunan nagdesisyon ito na huwag  na ituloy ang kanyang pag-aaral at mamuhay na lamang ng simple bilang  isang magsasaka, hindi nagtagal ay nahalal siya bilang kapitan munisipal ng  kanilang bayan. Taong 1892 nang siya ay naging gobernador silyo, sumali  siya sa Katipunan at sa pagsiklab ng rebolusyon ay pinamunuan niya ang  isang maliit na puwersa laban sa militar ng Espanyol sa Tagaytay Batangas. 

Matapos nito nagdesisyon siya na makipag-kaisa sa pinuno ng rebolusyon  ng Cavite na si Emilio Aguinaldo, ipinadala siya ni Aguinaldo upang  magtanggol sa tulay ng Zapote kung saan nakipaglaban siya kasama si  General Edilberto Evangelista, ang nasabing labanan din na ito ang naging  dahilan ng pagkasawi ni Evangelista, nagsunod-sunod pa ang mga laban na  naipanalo ni Malvar kagaya na lamang ng mga labanan sa Indang, Bailan,  Magallanes, at Alfonso. 

Kaya naman noong March 31, 1897 itinaas ang  kanyang katungkulan bilang tenyente Heneral, nakipaglaban rin siya sa  mga puwersang Amerikano sa Muntinlupa, San Pedro tunasan, Kalamba, at Kabuyaw, kaya naman hindi nagtagal ay hinirang siya bilang Division  General at Chief of the Second Zone in Command. 

Si Malvar ang naging pangalawang pinuno ni Heneral Mariano Trias na  siyang pangkalahatang Commander ng puwersa ng mga Pilipino. Noong  mga panahon rin na ito nagsimula na magpalipat-lipat ng lugar si Emilio  Aguinaldo upang magtago sa mga Amerikano, hindi nagtagal ay nahuli ito  

sa Isabela.

Dahil sa pagakakahuli ng presidente Aguinaldo ang malaking  katanungan, Sino na ang papalit sa kanyang pamumuno? Malamang marami  ang magsasabi sa inyo na ang hahalili dito ay si Mariano Trias, dahil siya  ang sumunod na may mataas na kapangyarihan ngunit bakit nga ba hindi  ito nangyari? Ito ay dahil bago pa man mahuli si Aguinaldo ng mga  Amerikano ay nauna ng nahuli si General Trias, sa pagkakahuli sa  dalawang nasa mataas na kapangyarihan si Malvar ang naging  pangalawang pangulo ng Republika ng Pilipinas bilang humalili kay  Aguinaldo.

Hinimok ni Malvar ang pagpapatuloy sa paglaban, sa pag-atake  ng Amerika, at sinikap nito na maipagpatuloy ang laban para sa kalayaan ng  kanyang bansa, dahil dito ay mas lalo pang pinahirapan ang puwersa ng  mga Amerikano ang mga gerilya, sinunog ang mga ito ang iba’t ibang nayon  na maaaring pinagtataguan ng kampo ni Malvar. Maging ang mga hayop at  pananim ay sinunog din ng mga ito sa layunin na gutumin ang mga  pilipinong lumalaban sa kanila. 

Sa sunod-sunod na paghihirap na dinanas  napilitang sumuko ang mga lider ng gerilya tanging si Malvar na lamang  kasama ng kanyang pamilya at ilang sundalo ang naiwang lumalaban, dito  nanggaling ang kanyang moniker na “The Last General to Surrender”. Nang  mapansin niya na unti-unti ng nagkakasakit at nanghihina ang kanyang  pwersa dahil sa gutom, nagdesisyon ito na sumuko na rin sa mga  Amerikano. Tumungo siya sa tanggapan ni General Franklin J. Bell at  sumuko noong April 16, 1902. Bilang pagkilala sa kanyang kapansin-pansin  na tapang at pagkamakabayan siya ay hindi nabilanggo o ipinatapon,  pinahintulutan siya umuwi kasama ng kanyang pamilya at nasasakupan. 

Kalaunan siya ay inalok sa pagka-gobernador ng Batangas ngunit magalang  niya itong tinanggihan, sa edad na 43 siya ay namatay dahil sa sakit sa atay  noong October 13, 1911 ngunit hindi sa kanyang pagkamatay natapos ang  

kanyang kwento dahil hanggang ngayon ay nananatili pa ring  kontrobersya, kung siya ba ay dapat kilalanin bilang pangalawang  presidente ng Pilipinas. 

Noong September 18, 2007 inihain ni Rodolfo Valencia kinatawan ng Oriental Mindoro ang panukalang batas 2594 na  naghahayag na si Malvar ang ikalawang Pangulo ng Pilipinas na nagsasabi  na maling kilalanin si Manuel El Quezon ang ikalawang pangulo ng  Republika ng Pilipinas na naglingkod pagkatapos ni Emilio Aguinaldo. 

Noong  October 2011 naghangad ng tulong si pangalawang pangulo Jejomar Binay  sa mga mananalaysay na iproklama bilang karapat-dapat na ikalawang  pangulo ng Pilipinas ang rebolusyonaryo Heneral Miguel Malvar, subalit sa  kasalukuyan hindi pa rin ito kinikilala ng pamahalaan ng Pilipinas, gayon pa  man bilang pagpupugay sa kanyang kabayanihan itinalaga ng dating  Pangulong Benigno Aquino the third ang kanyang kaarawan bilang special  non working day sa lalawigan ng Malvar Batangas.

Para sa inyo dapat nga bang iproklama si Heneral Miguel  Malvar bilang pangalawang presidente ng Pilipinas? Ikomento ang  inyong sagot sa comment section. Credits: Youtube